Сонгуулийн дараахан Монголын эдийн засгийн форум боллоо. Энэ үеэр намын дарга нар амлалт өглөө.
МАН-ын дарга Э.Оюун-Эрдэнэ: Намуудтай хамтарч хийх олон ажлууд байна. Монгол Улсад тулгамдсан асуудлыг хэрхэн шийдэх вэ гэдэг дээр улс төрийн намууд нэгдэж ажиллана. “Хурдтай шийдэлд хүрэхийн төлөө хамтарцгаая” гэдэг тунхагт гарын үсэг зурна. Хяналтын чиг үүрэгтэй функцуудыг сөрөг хүчиндээ өгснөөр бүтээмж нэмэгдэнэ гэв.
Ардчилсан намын дарга Л.Гантөмөр: Сөрөг хүчний имидж өөрчлөгдөж байна. Бүгдийг гацаадаг бус хамтарч ажилладаг хяналт тавьдаг болно. Ардчилсан нам Хууль зүйн яамыг авна. Хуулийн салбарын шинэчлэлийг хийнэ. Монгол орон асар их ядуурал дунд байна. Дөрвөн жил тасралтгүй сонгуульддаг бус ажил урагшлуулдаг, хийдэг, шийддэг болно гэдгийг онцолсон.
Харин Хүн намын дарга Т.Доржханд “Манай нам гадаад худалдаа, хөрөнгө оруулалтыг хариуцана. Хөрөнгө оруулалтыг татаж, орж ирсэн ажлуудын тендерт хуулийн хүрээнд явж буй эсэхэд анхаарч, хөрөнгийн зарцуулалтад хяналт тавина. Бизнесийн орчинг сайжруулж, шударга өрсөлдөөнийг хангаж, стандартуудыг эргэн харна гэв.
Намуудын амлалт хэрэгжвэл ирэх дөрвөн жилд Монгол улс хөгжинө. Иргэд амлах бус хийх хэрэгтэй гэдгийг сануулж байгаа юм.