Польшийн Агаарын цэргийн хүчин Украины баруун нутгийг онилсон Оросын пуужингаас улсынхаа агаарын орон зайг хамгаалахын тулд тийрэлтэт онгоцуудаа нисгэжээ. Дайны хөлд нэрвэгдсэн Украинтай хиллэдэг Польшийн зүүн өмнөд хэсэгт агаарын хүчнийхэн эргүүл хийсэн.

Польш улс ямар ч хохирол амсаагүй ч Украины хойд хэсгийн Харьков хотын нэгэн томоохон дэлгүүрт Оросууд цохилт өгсний улмаас 12 хүн амиа алдаж, 43 хүн шархадсан. Украины Ерөнхийлөгч Владимир Зеленский агаарын цохилтыг “Оросын солиорлын илрэл” гэж нэрлэжээ.

Польшийн Гадаад хэргийн сайд Радослав Сикорски Орос улс Европыг тогтворгүй болгохыг хүслээ. Москва ирэх зургадугаар сард болох Европын парламентын сонгуулийн үр дүнд нөлөөлөхийг оролдож байна гэж мэдэгджээ.
Польш Беларусийн баруун хил дээрх цэргийн хүчээ нэмэгдүүлжээ.