Туулын хурдны зам, Сэлбэ дэд төв гээд нийслэлд хэрэгжих 22 мега төслийг шалгах УИХ, ТЕГ, ЦЕГ-ын хамтарсан ажлын хэсэг Сангийн яаманд хандан хүсэлт гаргасан байна. Хүсэлтийн хүрээнд нийслэлд хэрэгжих мега төслүүдийг бодох аргачлалыг тодорхой гаргасан зөвлөмж гаргаж өгөхийг хүссэн байна. Шалгалтын явцад олон тодорхойгүй зөрчлүүд илэрсэн. Тиймээс асуудлыг нягтлан шалгах хэрэгтэй гэжээ. Эхний дүгнэлтээр Туулны хурдны замд зарцуулахаар шилжүүлсэн мөнгийг буцаан авах боломжгүй учраас 600 тэрбум төгрөгийн алдагдал хүлээхээр байна. Мөн Сэлбэ голын тохижилтын ажил, замын хөдөлгөөний ачааллыг бууруулах ажлын хүрээнд гаргасан зардлуудыг нягтлах шаардлагатай гэжээ.