НИТХ-ын 28 төлөөлөгч хуралдаж дарга А.Баярыг огцруулсан гэж зарласан. Харин НИТХ-ын дарга А.Баяр: НИТХ-ыг хуралдуулж Туулын хурдны замыг дэмжсэн тогтоолын төсөл гарга гэсэн. Иргэд эсэргүүцэж, Засгийн газраас хориглосон байхад ийм тогтоол гаргахаар НИТХ-ыг хуралдуулж болохгүй. Намайг огцруулсан хууль бус шийдвэр гаргасан, хүчинтэйд тооцох боломжгүй. НИТХ-аас хэвлэл мэдээллийн байгууллагуудад 13.2 тэрбум төгрөг шилжүүлсэн гэх ташаа мэдээллийг цацсан. Зарцуулалтыг шалгахад 10.2 тэрбум төгрөгийн гүйцэтгэл гарсан байна. Шүүх, Нийслэлийн прокурорын газар, Цагдаагийн газар, Тагнуулын газар, Онцгой байдлын газар, Шүүхийн шийдвэр гүйцэтгэх газар зэрэг гэмт хэргээс урьдчилан сэргийлэх чиг үүрэг бүхий нийт 33 байгууллагын үйл ажиллагаанд зориулагдсан байна гэж мэдээлэл хийжээ.