ХААХҮЯ-ыг Улаанбаатараас Дархан руу өмнөх сайд Ж.Энхбаяр нүүлгэсэн. Гэтэл шинэ сайд Х.Бадамсүрэн нь буцааж Улаанбаатар руу нүүлгэнэ гэсэн шийдвэр гаргасан байна. Нүүлгэлтийн зардалд 2,4 тэрбум, ажилчдын орон сууцанд 3,1 тэрбумыг зарцуулсан. Нийтдээ хоёр сайдын хоорондох үг, үзэл бодол, ажлын арга барилын зөрүүтэй бөмбөг шидэлтэд 5 тэрбум төгрөг салхинд хийсэх үү гэсэн асуулт гарч ирснийг олон нийт асууж байна. Энэ таван тэрбум дээр эргээд нүүх зардал нийлвэл мөнгөн дүнгийн тоо дахин нэмэгдэнэ. Дархан руу нүүсэн тус яамны мэргэжилтэй ажилчид ар гэр, ажил амьдралаа бодно гээд Улаанбаатараа зорьж байгаа аж.