Орон сууцны хүртээмж муу байгаагаас хөдөө орон нутгаас ирж Улаанбаатар хотод ирж суралцаж, амьдарч буй залуус, шинэ гэр бүл, ахмад настнууд ихэвчлэн нийтийн байр түрээсэлдэг. Нийслэлд 770 нийтийн байр байгаагаас одоогоор 260 байранд холбогдох газруудаас нэгдсэн шалгалт хийсэн байна. Шалгалтаар галын утас шаардлага хангахгүй, халаалт муу, хүн амьдрах орчныг бүрдүүлж чадаагүй гэсэн дүгнэлт гарсан байна. Энэ нь зөвшөөрөл авалгүй иргэд нийтийн байр ажиллуулж байгаатай холбоотой гэж дүгнэсэн. Тиймээс цаашид нийтийн байр ажиллуулахад зөвшөөрөл авдаг болгохоор төлөвлөж байгаа аж. Гэхдээ төрийн хийж чадаагүй ажлыг иргэд хийж байгааг буруутгах боломжгүй. Үүрсэн ачааг нь хөнгөлж өгдөггүй юм гэхэд ядаж дарамт битгий болоосой. Зөвхөн эрүүл мэндийн шаардлага хангасан орчинд иргэдийг амьдруулах хэрэгтэйг түрээлэгчдээс төр шаардах хэрэгтэй байгаа юм.