Сонгуулийн дараа солигддог дарга нар сайд солигдоход хөдөлж төрийн ажил уяж байна. Тэд ажлаа мэддэг болох гэсээр байтал дараагийн дарга нь ирдэг жамтай. Ядаж байхад ирдэг дарга нар нь авлига хээл хахуульд холбогдсон, татвар төлөгчийн мөнгөнөөс хувьдаа завшсан, ааш зан авах юмгүй, ур чадвар төдийлэн сайнгүй байдаг. Тиймээс доордуулна уу л гэхээс дээрдүүлнэ гэж алга гэсэн шог яриа гарч ажилчдын дунд гарч байхав. Ерөнхий сайдын нүдээ анин байж зүтгүүлэн томилсон сайд нь баахан дарга нарыг солив. Дарга нарыг сольсноор ажил сайжирдаг бол Монгол өнөөдөр дэлхийд хөгжлөөрөө тэргүүлэх байсан. Нэгэнт томилсон юм чинь ажил авсан дарга нар ажлаа сайн хийнэ л гэж найдья. Авлигачдыг илчилж, төсөвт хэдэн төгрөг төвлөрүүлж иргэдийг амьдралыг яаж сайжруулснаар ажлыг нь үнэлэх ч улс төрийн шоу хийж, сүртэй мэдэгдэл хийж, индэр дээрээс үг хэлэхээс өөрийг хийхгүй байсаар амлалт нь сарниад алга болдог жишиг битгий л давтагдаасай. Авлигачдыг барилаа, хорилоо, хөрөнгө хураалаа гэдэг ч багш, эмч нарын цалин, ахмадын тэтгэврийг нэмэх болохоор нөгөө мөнгө нь алга болдог. Ард иргэд нь хураасан хөрөнгө нь хаашаа алга болсныг огт ойлгодоггүй. Улстөрчдийн богино зайн улс төр Монголын хөгжлийг хэдэн зуун жилээр хойш татаж байна. Ажилчдаараа хийсэн ажлыг нь яриулаад та бүхэн бодлогоо зөв тодорхойлоод, индэр дээр бага гараад эх орноо хөгжүүлэхийг хичээх хэрэгтэй байна. Дарга нар ярьж ажилчид ажил хийдэг гэдгийг санах хэрэгтэй. Хэдий болтол улстөрчид зодолдож иргэд ядарч амьдрах юм бол.