Эрх баригч МАН-ын бүлэг 32, 36 гэж хоёр хуваагдан үзэлцэж байна. Засгийн газрыг огцруулах бичигт гарын үсэг зурсан намын нөхдүүдээ шоглож, 32 бүлгийг дагасан намынхнаа намнана гээд бужигнаж эхэлсэн. Нөгөө хэд нь АН-тай нийлж тоглолт хийж чадвал энэ засгийн газар урт настай байж чадахгүй.Үсрээд л нэг жил болно. Нүүрсчин ч гэнэ үү, авлигач гэнэ үү адилхан. Манай танай гэлтгүй бүгд идсэн уусан илчлээрэй гэдэг. Улстөрчид зодолдохоор нэгнийхээ но-г илчлээд иргэд хэн нь хэн гэдгийг хардаг. Албан тушаалд очсон хүмүүс нь ядаж нэр нүүрээ бодоод ард иргэдийн хүүхдийн сургалтын төлбөрийг хумсалснаа төлөх байгаа гэж олон нийт харж хүлээдэг. Иргэд улстөрчид нэгнээ хардаж байна гэсэн үндэслэлээр бус идсэн уусныг нь баримтаар нотлоод шалгаад гаргаад ирвэл хэн ч юу гэж хэлж чадахгүй. Идсэн бол идсэн. Уусан уусан бол уусан гүйцээ. Хариуцлагаа тооц гэсээр ирсэн. Хулгай худал биш хууль үнэн ялах ёстой бол өөрсдөө ч гэсэн үнэн байх хэрэгтэй болж байгаа юм. Улстөрчдийн хэлсэн үгэндээ хариуцлага хүлээдэг бол хүлээхээр олон асуудал яригддаг. Улс төрчдийг тагнаж, чагнаж, сүрдүүлж, айлгаж, амь насанд нь заналхийлж, гаднын гар хөл болж үндэсний аюулгүй байдалд нөлөөллөө гэдэг ч үнэндээ хэсэг бужигнаад л буцаад мартагддаг. Хэнд ч хариуцлага тооцдоггүй. Нөгөө хэд нь сүрдүүлэгчээ нэрлэхээс ч айгаад эрх ашигтаа барьцаалагдаад өнгөрдөг нь үнэн. ҮАБЗ-ийн хоёр гишүүнээ нэг доор огцруулах шахсан ч нэг нь арай гэж тэсэж үлдсэн. Иргэд улс төр биш ажлаа хий гэж шаардахаар улстөрчид улстөр, нам , бүлэглэлийн эрх ашгаа эхэнд тавиад байна. Нэг зорилго нэгдмэл бодлого хаана явна.