Төрийн байгуулалтын байнгын хороо хуралдаж Ерөнхий сайдыг огцруулах эсэх асуудлаар санал хураасан байна. Энэ үеэр гишүүдээс санал авахдаа алдаа гаргасны улмаас Ерөнхий сайдыг огцруулах санал гаргасан гишүүдийн санал Ерөнхий сайдыг огцруулахгүй гэж гарснаас маргаан үүсч Үндсэн хуулийн цэцэд хандахаар болсон байна. Саналын томьёолол өмнөх жилүүдэд хоёр ч удаа маргаан үүсгэж байсан. Тиймээс цаашид УИХ, байнгын хороодын санал хураах аргыг тодорхой болгохгүй бол байнгын маргаан үүсгэх эрсдэл дагуулж байгааг гишүүд онцолсон юм. Маргалдагч талууд хуулийг өөр өөрөөр тайлбарлаж байгаа нь ч асуудал үүсгэж байгаа юм. АН-ын зүгээс УИХ-ын дарга, Ерөнхий сайдыг огцруулах саналыг хамт оруулж ирэхгүй бол чуулганд оролцохгүй гэсэн байр сууринд нэгдсэн байна.