УИХ-ын Төрийн байгуулалтын байнгын хорооны өнөөдрийн хуралдаанаар Ерөнхий сайд Г.Занданшатарыг огцруулах эсэх асуудлыг хэлэлцэнэ. Ерөнхий сайдыг огцруулах санал гаргасан үндэслэлийг УИХ-ын гишүүн П.Сайнзориг танилцуулсан Хууль зүй, дотоод хэргийн сайдаар нэр бүхий гишүүнийг томилохдоо УИХ-д болон Монгол Улсын Ерөнхийлөгчид танилцуулах үүргээ биелүүлээгүй, Монгол Улсын шүүх эрх мэдлийн бүрэн эрхэд халдсан шинжтэй үйлдэл гаргаж, Үндсэн хуульт ёс, хууль дээдлэх зарчмыг үгүйсгэсэн. Монгол Улсын Засгийн газрын 55 дугаар тогтоол нүүрс, төмөр, хайлуур жонш экспортлогч аж ахуй нэгж нь тухайн сардаа АМНАТ төлөхдөө бүтээгдэхүүний дөрөвний нэгийг уул уурхайн биржээр арилжаалсан тохиолдолд нийт экспортод гаргасан бүтээгдэхүүний АМНАТ ногдуулах борлуулалтын үнэлгээг биржээр борлуулсан үнэлгээгээр буюу бага үнээр тооцохоор зохицуулсан. Гэтэл давуу эрх олгосон, “Үндсэн хуульд хууль, зарлиг, төрийн байгууллагын бусад шийдвэр, нийт байгууллага, иргэний үйл ажиллагаа бүрнээ нийцсэн байвал зохино” гэсэн заалтыг зөрчсөн. гэх үндэслэлийг ТББХ-ны хуралдаанд баасан гарагт танилцуулсан юм.Хуралдаан өнөөдөр үргэлжилнэ.