Хөвсгөл аймгийн Тариалан суманд мод бэлтгэж байсан гэр бүлийн 2 настай хүү алга болж 500 гаруй хүний бүрэлдэхүүнтэй баг гарч 5 хоног хайсан ч одоогоор олоогүй байна. Хүүг хайхаар нутгийн иргэд болон ойролцоох аймаг сумд, Улаанбаатар хотоос ч иргэд очсон.Цэргийн залуус, эрэлч нохойтой баг, дронтой залуус хамтран өмнөх шөнө нь хоносон айлын гаднаас эхлэх эрлийг үргэлжлүүлж байгаа юм. Эрэл хийж буй газарт чонын гурван сүрэг байна гэж үзээд үүр, байршлыг тогтоохоор дрон нисгэж, эрэлч нохдод алга болсон хүүгийн хэрэглэж байсан хувцсыг үнэртүүлж хайж эхэлсэн байна. Хүүг алга болсон газраас ойролцоох газруудын айл өрхүүдэд мэдээлэл хүргүүлж, харсан эсэхийг тодруулсан байна. Цахим сүлжээнд хүүг олдсон гэх олон нийтийг төрөлдүүлсэн мэдээлэл оруулахгүй байх, сайхан сэтгэлээр тусалж буй хүмүүс, хүүгийн гэр бүлийн гишүүдийг буруутгахгүй, улстөржүүлэхгүй байхыг олон нийтэд зөвлөсөн байна.