Гэрээ байгуулагдаагүй төсвийн хөрөнгөөр санхүүжүүлэхээр батлагдсан төсөл, арга хэмжээний санхүүжилт 535.9 тэрбум төгрөгийг хэмнэлтэд тооцлоо. Эрүүл мэндийн сайдын багцаас 69.9, Хот байгуулалт, барилга, орон сууцжуулалтын сайдын багцаас 36.6,Боловсролын сайдын багцаас 33.7, Зам, тээврийн сайдын багцаас 33.4, Соёл, спорт, аялал жуулчлалын сайдын багцаас 19.7, бусад сайд нарын багцаас 342.7 тэрбум төгрөг нийт 535.9 тэрбум төгрөгийг төсвийн хэмнэлтэд тооцсон. Эрүүл мэндийн байгууллагууд квотын санхүүжилтэд шилжсэн санхүүжилт байхгүй хэмээн өвчтөнүүдийг хэвтүүлж эмчлэхгүй байгаа. Жилд ганц удаа үзүүлдэг шүдний эмчилгээг төлбөртэй болгосон.Гэтэл Эрүүл мэндийн сайдын багцаас 60 тэрбумыг хасаж эмчилгээний зардлыг иргэдийн нуруунд үүрүүлж байгаад олон нийт бухимдалтай байна