БНСУ-ын гаалийн ажилтнуууд хүний эрх зөрчиж, хүний хувийн орон зай руу халдсан. Он гарсаар 516 иргэнийг хил дээрээс буцаасан гэсэн гомдол гаргаж иргэдийн төлөөлөл мэдээлэл хийлээ. Зарим иргэний гар утсыг хурааж, найздаа бичсэн чатыг нь хэвлэж гаргаж ирсэн байна. Тиймээс ГХЯ, ХЭҮК анхаарал хандуулах хэрэгтэй гэж иргэд шаардсан. ГХЯ-наас БНСУ-ын Элчин сайдын яаманд хүсэлт гаргаж иргэдийн хил дээрээс буцаахгүй байх, эсвэл анхнаасаа зөрчилтэй хүмүүсийн визийг гаргахгүй байх хэрэгтэй гэдэгт санал солилцож харилцан ярилцаж шийдвэрлэсэн гэсэн ч иргэдийн гомдол дагуулсан маргаан үргэлжилсээр байна. Солонгосыг зорьсон хүн бүр харлахгүй гэдгийг ойлгох хэрэгтэй. Иргэд цаг хугацаа, хөрөнгө мөнгөө зарцуулж виз авч хил давах үед буцааж байгаа нь гомдолтой байгааг хэлж БНСУ-ын ЭСЯ-нд ханджээ. БНСУ-ын талаас иргэдийг буцааж байгаа шалтгаанаа огт хэлэхгүй байгаа аж.