Гурилын импортын татварыг тэглэснийг зогсоох хуулийн төслийн ХХААХҮ-ийн яамнаас УИХ-ын нэгдсэн чуулганы хуралдаанд оруулсан нь маргаан дэгдээлээ. УИХ-ын гишүүд өнгөрсөн онд гурилын 6 компани дампуурах гэж байна гэх тодотголтойгоор 101 тэрбум төгрөгийг авсан. Гэтэл одоо тарилангийн салбар дахин дампуурах гэж байна гэсээр гурилын импортын татварыг сэргээх гэж байна. Энэ шийдвэр иргэдийн нуруун дээр бууж гурилын үнэ өснө. Одоо бол гурилын үнэ тогтвортой байна. Гурилын үйлдвэрүүд нийт 400 орчим тэрбум төгрөгийг өмнө нь үйлдвэрлэлийг дэмжих нэрээр улсаас татаас хэлбэрээр авч байсан. Тариалан эрхлэлт унах, импортын гурилтай өрсөлдөх боломжгүй нь гэх бүрт татаас өгсөөр байвал Монгол улсад монополь хэдхэн компани үнэ тогтоодог болно гэдгийг онцолсон. Үүний хариуд гурилын гурван үйлдвэр дампуурсан, ажиллаж байгаа таван компани нь хүчин чадлынхаа 20%-ийг ашигладаг гэсэн тайлбар хэлсэн юм.