Хоноц хоноцдоо дургүй. Хоёр хүн байсан ч нэгэндээ дургүй гэгчээр НИТХ-ын төлөөлөгч Х.Энхжаргалан төсөл хариуцсан бүрэн эрхт төлөөлөгч 5 сая, график дизайнер 4 сая төгрөгийн цалин авч байхад нийслэлийн өмчид аж ахуйн нэгжийн удирдлагууд 3.9 сая төгрөг авах нь багадна, нэмэх шаардлагатай гэсэн санал өгчээ. Төрийн өмчийн томоохон байгууллага бүрт нэг, нийт 50 БЭЭТ, таван сая төгрөгийн цалин авч томилогдохоор болсон. Үнэндээ бол БЭЭТ томилогдож очоод дотор нь орж ажилласан ч хүссэн ч, эс хүссэн ч байгууллагын бодлого, ажилчид дундаа уусна. Хэрэг илрүүлж гийгүүлэхгүй нь тодорхой. Түүнийхээ оронд шилэн дансаа ягштал хөтлөөд, олигтойхон шиг аудитын компани оруулахад тухайн байгууллагад байгаа асуудлыг гаргаад л ирнэ. Гарч ирсэн зөрчилд хариуцлага тооцох бүрэн боломжтой. Эрх баригчид намын гишүүд хүртэл төрийн хэмнэлтийн хууль зөрчиж, АН, Хүн намынханд албан тушаалын бялуу хувааж өндөр цалинтай БЭЭТ томилж байна гэж гомдоллосон. Төсвийн мөнгө хүрэхгүй байна гэсэн хэрнээ албан тушаалын томилгоонд мөнгө хайрладаггүй намууд эрх барьж байгаа юм чинь нэг ч бол тарааж өгөөд, үгүй бол голоод суухаас ч өөр яахав.