Стратегийн ач холбогдол бүхий Тавантолгойн чулуун нүүрсний бүлэг ордын ашигт малтмалын тусгай зөвшөөрлийг хувийн хэвшлийн аж ахуйн нэгжид олгосон талаарх асуудлыг судлах ажлын хэсэг байгуулагдсан. Энэ ажлын хэсгийн гишүүд дунд Засгийн газрын гишүүн сайд, УИХ-ын найман гишүүн байгаа. Эдгээр гишүүд “MCS” группын Таван толгой Ухаа худгийн нүүрсний ордын компаниас УИХ-ын сонгуулийн үеэр 100 сая хүртэл төгрөгийн хандив авсан. “MCS” групп дэргэдээ тусгай байгууллагатай байсан гэх хэрэгт шалгагдаж байна. Хууль зөрчдөг компаниас хандив авсан төрийнхөн ашиг сонирхлын зөрчилтэй хэрнээ энэ асуудлыг хэрхэн шалгахыг хэвлэлийнхэн тодруулж, иргэд энэ мэдээлэл үнэн эсэхийг асууж эхэллээ.