Элберт Эйнштейн 80 жилийн өмнө АНУ-ын Засгийн газарт хандаж атомын бөмбөг бүтээхийг гуйжээ. Альберт Эйнштейн нь энх тайвныг дэмжигч гэдгээрээ алдартай боловч Японд хаясан бөмбөгийг зохион бүтээсэн Манхэттэн төслийг хэрэгжүүлэх замыг нээхэд тусалсан нэгэн. Тэрбээр Герман цөмийн зэвсэг бүтээж байна гэж санаа зовж байсан ч дараа нь АНУ-аас хол хоцорч байгааг мэдсэн байна.
Дэлхийн 2-р дайн эхлэхээс нэг сарын өмнө буюу 1939 оны 8-р сарын 2-нд Альберт Эйнштейн АНУ-ын ерөнхийлөгч Франклин Рузвельтэд илгээсэн хоёр хуудас захидалд гарын үсэг зурж, АНУ-ыг цөмийн зэвсгээр түүхийн чиг хандлагыг өөрчлөхөд туслах болно гэсэн.
Герман гаралтай алдарт физикч Эйнштейн нацистууд засгийн эрхэнд гарах үед Германаас дүрвэн АНУ-д ирсэн байсан. Тэрбээр Германы эрдэмтэд цөмийн задрал буюу атомын цөмийг задалж энерги ялгаруулах процессыг нээснийг мэдсэн.
Рузвельтэд хандсан уг захидалд энэхүү нээлтийн хүрээнд “шинэ төрлийн маш хүчтэй бөмбөг” бүтээгдэх боломжтой. Эдгээр бөмбөг нь бүх боомтууд болон тэдгээрийн ойр орчмын газруудыг устгах чадвартай болохыг анхааруулсан байна.
Хожим нь Эйнштейн “Дахин нэг том алдаа” гэж нэрлэгддэг захидалдаа Рузвельтад АНУ-д ураны судалгааг хурдасгахыг уриалсан юм.