УИХ-ын гишүүнийг эгүүлэн татах хуулийн төслийг хэлэлцэх үеэр гишүүд хоёр талын байр суурийг илэрхийлсэн байна. УИХ-ын гишүүд энэ хуулийг олон талаас нь судлан маш сайн хэлэлцэх ёстой. Улс төрийн болон эдийн засгийн ашиг сонирхолтой хэсэг бүлгүүд нэгдэн иргэдээс сонгогдсон гишүүдийг эгүүлэн татах нөхцөл байдал үүсч, парламентын дархлаа суларч болзошгүй. Тиймээс Ерөнхийлөгчийн санаачилсан хуулийн төсөлд дэмжих боломжтой, боломжгүй заалтууд байна.Гишүүнийг ямар үндэслэлээр эгүүлэн татахыг сайн хэлэлцэх хэрэгтэй. Улс төрийн үзэл бодлоо илэрхийлээд чуулганд оролцохгүй бол ажил тасалсанд тооцох уу, ёс зүйн хэм хэмжээг аль өнцгөөс харж байгаагаас шалтгаалан шийдвэрүүд өөр өөрөөр гарч болно.Тиймээс нэг бүрчлэн нарийн ярилцах хэрэгтэй гэж нэг хэсэг гишүүд мэдээлэл хийсэн. Харин нөгөө талаас УИХ-ын чуулганы хуралдаанд оролцдоггүй, иргэдийг төлөөлөх ажлаа хийдэггүй, гэмт хэрэгт холбогдсон нь шүүхээр тогтоогдсон гишүүнийг үлдээх шаардлага байхгүй. Гишүүний бүрэн эрх, парламентын дархлаа суларна гэсэн тайлбартайгаар хууль бус бүхнийг далдалж болохгүй гэдгийг онцолжээ. .