Төрийн хэмнэлтийн тухай хууль хэрэгжиж байна. Төрийн байгууллагын сахилга хариуцлагыг чангатгана гэх сүртэй мэдээлэл хийдэг эрх баригчид байсхийгээд л төрийн албан хаагчдаа алддаг болсон. Нийслэлийн есөн дүүргийн татварын хэлтсийн дарга нар Арабын нэгдсэн Эмират улсын Дубай хотод ямар зардлаар явж байгаа нь тодорхойгүй аялж байна. ТЕГ-ын даргаас явахынхаа өмнө зөвшөөрөл хүссэн. Зөвшөөрөл өгөөгүй байхад ажил тасалж аялсан байна. Тиймээс хариуцлага тооцно гэсэн жижүүр үгээ Сангийн сайд хэлсэн. Харин нийслэл аялал зохион байгуулаагүй, мэдэхгүй гэсээр сууна. Хэзээ ирж ууртай дарга нарын сэтгэлийг амраах нь тодорхойгүй. Дарга болох гэсэн хүмүүсийн жагсаалтын тоо л нэмэгдсэн. Жилийн 365 хоногт 325 дарга сольсон гэдгээрээ эрх баригч намынхан иргэдийг бухимдлыг төрүүлсээр байгаа үед дайран дээр нь давс нэмсэн үйлдэл болов.