Шинэ оны өмнөхөн үндэсний тусгаар тогтнолоо сэргээн мандуулсны өдрийг тэмдэглэн өнгөрүүллээ. 1911 онд төрийн таван яамыг байгуулж, Богд хаант Монгол улсыг тунхаглан зарласан. 200 жил манжийн дарлалд байсан ард түмэн гадаад худалдаачид, иргэдийг эх орноосоо гаргаж, хилийн бүсээ олон удаагийн уулзалтаар тогтоон, улс орноо олон орны удирдагч нараар хүлээн зөвшөөрүүлж чадсан нь өнөөгийн энх цагийг авчрах эхлэлийг тавьсан юм. Энэ өдрийг Монголын ард түмэн мартах учиргүйг энэ өдөр нэхэн сануулсан юм. Үе үеийн өвгөд дээдэс ард түмний бүтээсэн эх орныг үргэлж мөнхөд мандуулахын төлөө үр ач бид нар мартах ёсгүй.