Нийслэлээс Нийтийн тээврийн бодлогын газар, Нийслэлийн эрүүл мэндийн газрыг татан буулгана. Цаашид төсөв үрсэн, ажлын давхардал ихтэй байгууллага, төрийн нүсэр бүтцүүдийг шат дараатай татан буулгана гэдгээ мэдэгдсэн. Мөн Зайсан орчмын 500 га газарт зөвшөөрөл өгсөн ч зориулалтын дагуу ашиглахгүй байгаа тул нийслэлд өмчөө эргүүлэн авна гэв. Энэ мэдээлэлтэй зэрэгцэн төрийн бус байгууллагуудаас иргэдийн өмчийн газрыг нийслэл бүтээн байгуулалт хийнэ, газарт орсон гэх үндэслэлээр үнэгүйдүүлэн авч байна. Тиймээс хамтарч ярилцан иргэдийн өмчлөх эрхийг хамгаалах хэрэгтэй гэдгийг мэдэгдэв.