Ахмад настнууд тэтгэврийг 1,5 сая хүргэх хүсэлт тавьж суулт зарлаад гурван сар болж байна. Тэтгэврийг ирэх нэгдүгээр сарын 01-нээс 8,6% нэмэх мөнгө улсын төсөвт суусан.Энэ мөнгө нь амьдралд хүрэхгүй. Гэтэл цөөн жил ажилласан ахмадууд тэтгэврээ нэмүүлэх гэж байна гэх худал мэдээлэл цацагдаж байна. Хамгийн бага нь 20 жил, их нь 40 жил улсад ажилласан. Тэтгэвэр бодохдоо итгэлцүүрийн болон хувь тэнцүүлэх арга ашигласан нь бага тэтгэвэр тогтоолгох үндэс болсон гэдгийг ахмадууд хэлж байгаа юм. Харин эдийн засагчид ахмадын тэтгэвэр хамгийн багадаа нэг саяд хүрч байж инфляцийн өсөлтөд дөхнө гэдгийг танилцуулжээ.