Улстөрчид нэг бол төрөөс, төсвийн мөнгөнөөс хулгай хийнэ. Үгүй бол худал хэлдэг болсоор удаж байна. Албан тушаал, эрх мэдэл олж авахад нь саад болсон улстөрчдөө зорилготойгоор гүтгэж эхэлсэн. Соёлын сайд байсан Ч.Номинг ЗГХЭГ-ын дарга С.Бямбацогт 16,6 их наядыг завшсан гэж гүтгээд уучлал гуйсан.Гэтэл араас нь ХЗДХ-ийн сайд Б.Энхбаяр нь УИХ-ын дарга асан Д.Амарбаясгалангийн гурван хүүхэд гадаадад 1,5 тэрбумын төлбөртэй сургуульд сурдаг гэж худал ярив. Гэтэл хүүхдүүд Монголд аав ээжтэйгээ сурдаг болж таарч Боловсролын зээлийн сангаас мөнгө идсэн сайдын үг худал болох нь гурав алхалгүй баригдав. Өөрийн хүүхэд шиг үрсийг худал гүтгэлгэнд хавчуулахдаа санаа зовдоггүй сайдтай болсон бололтой. Ерөнхий сайд нь өргөж залаад байхаар хулгайчид хойморт заларч байгаа нь тэр. Бүр О.Батнайрамдал гишүүний сайн таньдаг хүн нь хэрэгт холбогдсон тул шалгана гэж тэнэгтэв. Монголд таньдаг хүн нь хэрэгт орсон бол Монголын иргэдийг шалгадаг 32 оныг буцааж авчрах гээгүй байлтай. Хулгайчид хойморт заларсан байсан бол одоо худалчид хойморт гарч байна. Эмч нар нь 3,5 сая төгрөгийн цалинтай болно гээд жагсахаар ЭМ-ийн сайд Ч.Чинбүрэн нь эмч нарын дундаж цалин 3,8 сая гэж худал ярив. Цалингаа багасгах гэж жагсдаг эмч нар дэлхийд байхгүй дээ гэхээр намынх нь гишүүд гарч ирээд андуурсан байна гэх юм.Андуурлаа андуурлаа гэхэд ард түмнээ хуурч болохгүй. Идсэн уусан улстөрчдийг өмөөрөх гэсэнгүй. Шалгах нэгнээ шалгана л биз.Гэхдээ энгийн иргэдийг битгий чир. Төрд худал ярьдаг, хулгай хийдэг хувалзууд шигдээд байгаа болохоор л иргэд бухимдаад байгаа юм.