Монголын ирээдүйн хөгжлийг тодорхойлогч хүүхдүүдийг сургагч багш нар цалингаа 3 сая 500 мянга болгохоос нааш ажил хаялтаа зогсоохгүй гэсэн байна. Хүүхдээ сургууль, цэцэрлэгт нь өгөөд хоногийн хоолоо залгуулдаг аав ээжүүд хүүхдээ хаана өгөхөө мэдэхгүй төрдөө гомдоод сууж байна. Харин улстөрчид албан тушаал хуваарилаад хөрөнгө, хурааж барьж хорино гээд завгүй. Энэ их бужигнааны дараа акулууд нь үлдээд хэдэн жижиг жараахай нар авлигач болоод ял аваад дуусна. Албан тушаалтнууд зөөлөн суудалдаа тухална. Дараа нь мэргэжилтэй боловсон хүчнүүдээ шүүр бариад хог шүүрд гэнэ. Нөгөө хэд нь багш дутагдалтай байхад бид хог шүүрдснээс багшийн ажлаа хийвэл Монголын ирээдүйд хэрэгтэй. Ухаалаг дарга нарт учирлаад нэмэргүй байна гээд ажил хаялтаа үргэлжлүүлнэ гэж гүрийсэн. Улстөрч багш нарын дунд хүүхдүүд сурч, мэдэхээр хохироод үлдэнэ. Гэхдээ яаж ч бодсон багш нарыг буруутгах арга алга.