Цалингаа нэмүүлэхээр суулт хийсэн эмч нарын цалинг 50% нэмэх шийдвэрийг УИХ-ын байнгын хороо хэлэлцээд гишүүдийн олонхийн саналаар дэмжсэн байна. УИХ-ын чуулганы нэгдсэн хуралдаанаар асуудал орж эцсийн шийдвэр гарна. Эмч нар мэдээлэл хийж эрүүл мэндийн даатгалын сан хоосорсон. Иргэд шимтгэлээ төлсөн хэрнээ 100% эм тариагаа өөрсдөө авч байна. Энэ бол иргэдийн амьдралд том ачаа юм. Иргэдийг хүнд хөнгө гэж өвчнөөр нь ялгаварлан эмчилж байна. Эмч нар цомхотголд өртөх эрсдэл байна. Бодлого боловсруулагчид олон жил ажлаа хийж чадахгүй байсны үр дүн гарч байна гэдгийг мэдээлжээ.