МАН-ын цагаан байрныхны зодоон намын зовлон байсан бол төрийн, түмний, төсвийн, эдийн засгийн зовлон болж хувирав. Маргаан даамжирсаар Ерөнхий сайдыг огцруулсан УИХ-ын шийдвэр Үндсэн хууль зөрчсөн гэсэн дүгнэлтийг Үндсэн хуулийн Цэц гаргасан. Цэцийн дүгнэлтиийг сонссон хоёр тал ээлжлэн гомдоллов. Засгийн газрын талаас бид цөөхөн минут тайлбар хийсэн бол УИХ-ын гишүүдийн талаас Засгийн газрын захиалгат шийдвэр гарсан. Үндсэн хууль зөрчсөн Цэцийн гишүүдийг УИХ-аар хэлэлцэн буцаан татах асуудлыг хэлэлцэнэ гэв. УИХ-ын дэд дарга Х.Булгантуяа буруу шийдвэр гаргасан хэрэгт унасан. Тэр ҮХЦ-ийн гишүүн О.Мөнхсайханыг хэт нэг талыг барьж байна буцаан татна гэсэн хүсэлт гаргасан ч хүлээн авсангүй. Асуудлыг хойшлуулалгүй хэлэлцэн шийдвэрлэв.Ямар ч үнээр хамаагүй албан тушаалдаа үлдэх гэсэн дарга нарт иргэдийн ажил хаял суулт огт хамаагүй байгаа бололтой юм.Төрийн албан хаагчдыг өдөрт нь ажлыг нь өгүүлдэг дарга нар албан тушаалаасаа зуураад төрийн ажил уях юу ч биш байх л даа. Түмэнд бол ажилтай, орлоготой, цалинтай амьдарч чадахгүй байгаа л зовлон болж хувираад байна.