Эрх баригчид албан тушаалын зодоон хийгээд удаж байна. Намын даргын зодоон сайдын албан тушаалын төлөөх тулаан болж асуудал хүндэрсээр , УИХ-ын дарга, Ерөнхий сайд нь огцрохоор болсон. УИХ-ын нэгдсэн чуулганы хуралдаанаар Ерөнхий сайдыг огцруулах шийдвэр гарч Ерөнхийлөгч бүхэлд нь хориг тавин, Үндсэн хуулийн цэцэд маргаан хүрч тулаан цааш үргэлжлэхээр болсон. Хууль, хүн, хулгайч гурвын хэн нь засаглаж байгаа нь мэдэгдэхгүй болж зодооны дунд улстөрчид нэгнийхээ мууг дуудаж, муухайг илчилсээр байна. Нам дагасан зодооны үр дүнд иргэд төрд, улстөрчдөд улам итгэхээ больж байна. Нэгнийхээ хав дарж хуучирч муудсан но-г улс төрийн зодооны үедээ илчилдэг нь олон нийтийн доог болж, инээдийг хүргэхээс цаашгүй байна. Иргэдийн хувьд амьдралд хүрэх цалинтай, ахмадууд нь үргэлж уудэг эмний мөнгөө авч хүрэхүйц тэтгэвэртэй амьдрахыг хүсч байна.Жилээс жил иргэдийн амьдрал хүндэрч байхад тоо нь нэмэгдснээс цаашгүй улс төрийн намууд, улстөрчид ямар асуудлыг яаж шийдэж байгаа нь мэдэгдэхгүй, албан тушаал ярьсаар байна. Хэрэг тарьсан нөхдүүд нь бүгд шалгуулаад авлигачид нь ажлаа өгөөд,ялаа аваад ард иргэдээ амар тайван амьдруулах хэрэгтэй эрх баригчид аа. Сүүлийн гурван жил үргэлжилсэн албан тушаалын зодоон төр, түмний амьдралд хэдий болтол нөлөөлөх юм бол.