Цахим залилан эрс нэмэгдэж дээрх гэмт хэргийн гаралт 38% өссөн байна. Ихэвчлэн цахим хуудсаар мөнгийг тань богино хугацаанд өсгөж өгнө, алдаж болохгүй алтан боломж зэрэг зар явуулж иргэдийг залилдаг. Барилгын салбарын зарын залиланг шалгаж үзэхэд 30% нь ашиглалтад орох байрыг давхар түрээсэлж, зарсан зөрчил илэрсэн байна. Мөн фэйсбүүк чатаар дотны хүнээс нь ирсэн мэт харагдуулах судалгаа явуулаад иргэдийг цахим залилангийн хохирогч болгосон тохиолдол гарсан байна. Тиймээс иргэдийг цахим залиланд өртөхгүйн тулд гэр бүл, найз нөхдөөс ирсэн мэдээллийг тогтмол тодруулж, шалгаж байхыг цагдаагийн газраас зөвлөсөн байна.