Сөрөг хүчний намын даргад УИХ-ын гишүүд 200 саяын босготой нэр дэвшиж, цахимаар дүү нартайгаа тулалдсаар дөрөв нь үлдэн АН-ын даргаар О.Цогтгэрэл томилогдлоо.
УИХ-ын гишүүн, УИХ-ын дэд дарга Б.Пүрэвдорж, УИХ-ын гишүүн, УИХ дахь Ардчилсан намын бүлгийн дарга О.Цогтгэрэл, УИХ-ын гишүүн Ж.Баярмаа, Ардчилсан намын Үндэсний бодлогын хорооны гишүүн Б.Отгонбат нар намын даргын төлөө өрсөлдөх хурлын өмнө телевизээр халз мэтгэлцсэн. Тэд ардчиллын, хэвлэлийн эрх чөлөөний, авлигын индексээр Монгол улс жил бүр ухарсаар байна. Хэрэв АН-ын даргаар ажиллах юм бол хуулийн цогц реформ хийж, төр хувийн хэвшилтэй өрсөлддөг, ажлыг нь булаадаг байдлыг зогсоон, улс төрийн амлалтыг намууд өгдгийг болиулан, сонгуульд зориулсан бүтцийг бий болгохгүй байхад анхаарна гэдгээ хэлсэн. Энэхүү амлалтыг сонгууль болгоны өмнө улстөрчид өгдөг ч ажил хэрэг болгохгүй байгаа учир ард түмний намд итгэх итгэл жил бүр алдарсаар ирсэн. АН-ын даргад хэн ялах нь гол бус хэлсэн амлалтаа хэрэгжүүлж чадах эсэх нь л чухал байгаа юм.