Хичээлийн шинэ жил эхлэхэд хэдхэн хоног үлдсэн үед нийслэлийн хэмжээнд анги танхим нь ширээ, сандалгүй 17 шинэ сургууль байна. Эхний ээлжинд Хан-Уул дүүргийн 181 дүгээр бага сургууль, цэцэрлэгийн цогцолборын үйл ажиллагааг есдүгээр сарын 1-нд эхлүүлэхээр болсон. Үлдсэн сургуулиуд есдүгээр сарын 5-ны дотор асуудлыг шийдвэрлэж хичээл, сургалтын үйл ажиллагааг эхлүүлнэ.