Түлш тойрсон маргаан тасрахгүй байна. Нийт 52 тэрбумаар үр дүнгүй төсөл хэрэгжүүлсэн. Тавантолгойн эрчим хүчний нүүрснээс шатахуун, хуванцар гаргах туршилтын үйлдвэрийн төсөлд 50 орчим тэрбум төгрөг зарцуулсан. Гэтэл шороо овоолгоноос өөр ажил хийгээгүй гэдгийг хотын захирагч Х.Нямбаатар мэдээлсэн. Харин УИХ-ын гишүүн Ж.Золжаргал нийслэл Хятадаас хагас коксожсон түлш авна гээд тендер зарласан нь УИХ-ын тогтоолтой харшилж байна. Нэг бол тендерээ цуцлах, нэг бол тогтоолоо өөрчлөх хэрэгтэй. Х.Нямбаатарын ярьсан төсөл чинь ТЭЗҮ боловсруулагдаад ажил нь эхлээгүй байгаа. Миний дүү ТЭЗҮ дээр ажиллаад 10 сая төграөг л авсан байх гэсэн хариу өгчээ. Тухайн үед нь аудитын байгууллага асуудлыг тогтоогоод акт тогтоосон юм бол төрийн хяналтын байгууллагууд юу хийж суусан болж таарах вэ. Ниргэсэн хойно нь хашгирав гэгчээр ард нь бус, асуудал үүссэн үед зогсоох гэж төр ажилладаг.