Шинэ ерөнхий сайдад Г.Занданшатарыг нэр дэвшүүлэх МАН-ын бага хурлын шийдвэрийг МАН-ын бүлгийн гишүүд дэмжсэн байна. Байнгын хороод болон УИХ-ын нэгдсэн чуулганы хуралдаанаар дээрх асуудлыг хэлэлцэнэ. Шинэ ерөнхий сайдтай хамтарч ажиллахгүй гэдгээ хуучин засагт байсан сайдууд эхнээсээ хэлж эхэлсэн. Түүний Засгийн газар эдийн засгийн хүндрэлтэй тулгарах нь тодорхой боллоо. Гаалийн байгууллагаас оны эхний таван сард нийт экспортын орлого өнгөрсөн оны мөн үеийнхээс 931.3 сая ам доллараар буурсан,гадаад худалдааны тэнцлийн ашиг өнгөрсөн оны мөн үеийнхээс 55 хувиар буурсан. Экспортод гаргасан нүүрсний биет хэмжээ 2.4 сая тн-оор, нүүрсний экспортын орлого 42 хувиар буурсан үзүүлэлттэй байгааг мэдээлжээ.