Ерөнхий сайд үндсэн хуулиас гадуур хамтрал бий болгосон нь засаглалыг хямраах нөхцлийг бүрдүүлсэн гэж зарим гишүүд хэлсэн. Харин Ерөнхий сайд Гашуун сухайт боомтын асуудал орж ирэхэд шинэ Засгийн газрын асуудал яригдсан гэх тайлбарыг хийж байна. Улс төр яаж өрнөсөн ч эдийн засаг уналтад орсон, иргэд нь ажилгүй орлогогүй, байгууллагууд нь дампуурч байгаа нь үнэн.Энэ үед итгэл үзүүлэх үзүүлэхгүй эсэх шийдвэрийг УИХ-ын нэгдсэн чуулганы хуралдаанаар хэлэлцэх гэж байна. АН-ын 42 гишүүн Ерөнхий сайдад итгэл үзүүлэх эсэх тухай санал хураалтад оролцохгүй гэж бүлгийн дарга нь хэлсэн. Харин намын дарга нь АН-ын найман сайд ажлаа өгөх өргөдлөө өгч байна. Итгэл үзүүлэх эсэх асуудлыг яриагүй гэсэн.Энэ хоёр даргын мэдээлэл зөрж байх үед МАН, гишүүд өөрийн итгэл үнэмшлээрээ саналаа өгнө. Намаас саналыг хайрцаглахгүй гэсэн байна.