Удирдлагын академийн захирал С. Сүрэнчимэгийг ажилтнууд нь тендер будлиантуулсан, өөрийгөө шагнасан, мөнгө завшсан гэсэн гурван үндэслэлээр огцруулахыг шаарджээ. С. Сүрэнчимэгийг батлагдсан төсвөөс нэг тэрбум төгрөг илүү зарцуулсан, байгууллагын 100 жилийн ойд зориулсан кино хийлгэх 1,2 тэрбумын тендерийг зарлалгүй, шууд худалдсан авалт хийж төсвийн хууль зөрчсөн гэж буруутган холбогдох баримтыг хууль хяналтын байгууллагад өгөхөө мэдэгджээ.