Төлөвшөөгүй улстөрчид төрд гарсны гайгаар төрийн ажил зогсоод байна. Ерөнхий сайд, УИХ-ын гишүүд нь муудалцан нэгнээ элдвээр хэлсээр эцэст хуулиа ч хэлэлцэж чадахгүй гацав. Энэ асуудлыг хэрхэн нэг тийш нь шийдэхээ мэдэхээ байсан дарга нар улстөрчид шүүмжлэл сонсож сурахгүй бол байсан байранд нь буцаана гэсэн инээдтэй үг хэлж суух болж. Иргэд сонгох эрх байхгүй. Нам сонгодог гэдгийг цаанаа санууллаа гэж олон нийт шоглов. Нэг талдаа инээдтэй ч нөгөө талдаа хамгийн эмзэг хүмүүс улстөрчид байдаг нь үнэн. Намын анхан шатныхан улстөрчөө бэлтгэх сургалтаа зөв явуулаагүйн уршиг ингэж гардаг. Мэдлэг чадварт нь анхаарахгүй, муу бүхнийг заавал эцэст нь Монголын хөгжлийг зогсооно. Үг сонсохоос ч өмнө хэрүүл, үүл гарахаас ч өмнө бороо ордог болж. Хамтарсан засагт хоёр нам учраа олохоо больсон учраас УИХ-ын Ёс зүй дэгийн байнгын хороонд гомдол ирвэл Ерөнхий сайд Л.Оюун-Эрдэнэ УИХ-ын гишүүн Ж.Баярмаад доромж хандсан үйлдэлд хариуцлага хүлээлгэх асуудал яригдах аж. Хариуцлага нь сануулах, уучлал гуйх, зургаан сар хүртэлх цалинг 20 хувь хасах гэсэн гурван төрлийн зохицуулалттай байдаг аж. Харин ард иргэд байнгын хороонд гомдол ирж асуудал нь шийдэгдэх байлгүй дээ гэж ёжилж сууна.