Монгол улсад агаарын хөлгийн түлш нийлүүлэх гэрээг ганцхан Роснефть компанид 20 жилээр өгөх гэж байна. 24 мега төслийн хүрээнд ашиглалтад орох ёстой Нефть боловсруулах үйлдвэр хэзээ ашиглалтад орох нь тодорхойгүй боллоо. Энэ бол гэрээ бус тулган шаардалт. Монгол улсын эрх ашиг хамгаалах заалт энэ гэрээнд алга, дандаа үүрэг байна. Нефтийн үнийн өсөлт, зах зээл дахь нефтийн тасалдлыг яаж шийдэх юм гэдгийг УИХ-ын гишүүд онцолж Ц.Туваан сайдын гэрээний төслийг буцаасан байна.