Замын-Үүд сумаас 80 км-ийн зайд Төхөмийн хөндийд 110 кВ-ын цахилгаан дамжуулах агаарын шугамын тулгуур унаж эрчим хүч 100 хувь тасалдсан.Дорноговь аймгийн Онцгой комисс хуралдаж, Замын-Үүд сумын 1-р хэрэглэгчдийг эрчим хүчээр яаралтай хангахын тулд дизель үүсгүүрийг аймгийн төвөөс тус суманд хүргүүлэх шийдвэр гаргажээ. Дорноговь аймагт үйл ажиллагаа явуулж буй ААН, байгууллагуудад хүсэлт гаргасны дагуу Газрын тос боловсруулах үйлдвэр байгуулах төслийг хэрэгжүүлж буй “Монгол газрын тос боловсруулах үйлдвэр” ТӨХХК яаралтай арга хэмжээ авч, 250 кВа хүчин чадалтай дизель генераторыг зориулалтын өргөх машин механизм ашиглан зөөвөрлөж хүргэжээ.