Улаанбаатар хотод хэрэгжүүлэх 24 мега төслийг олон улсын “ФИДИК” гэрээний дагуу хэрэгжүүлнэ. Тус гэрээнд томоохон төслийн оролцогч талуудын эрх, үүрэг, хариуцлагыг тэнцвэртэй хуваарилж, стандартын дагуу, цаг хугацаа болон эдийн засгийн алдагдалгүйгээр төсөл хэрэгжүүлэх нарийн заалтуудыг тусгасан байдаг. Инженерингийн дэлхий нийтийн хэл гэгддэг гэрээний үед маргаан гарвал “Олон Улсын зөвлөх инженерүүдийн холбоо”-ны гишүүн, хөндлөнгийн инженерингийн компанийг маш богино хугацаанд асуудлаа шийдвэрлүүлэх боломжтой юм.