Нийслэлд 2030 он гэхэд метро, дүүжин тээвэр, LRT, BRT, тойрог хурдны зам, Туулын хурдны зам, нүхэн гарц, Дулааны цахилгаан станц (ДЦС-5) төслийг ашиглалтад оруулна гэдгээ албаныхан амласан. Амлалт хэрэгжитх эсэхийг иргэд хүлээсээр ирсэн. Дүүжин замын тээвэр төслөөр зорчигчдыг Яармагаас Өнөр хорооллын зогсоол хүртэл 11 минутад хүргэнэ. Ирэх оны есдүгээр сарын 1-нээс өмнө Улсын комисс хүлээж авах аж. Харин Улаанбаатар метро төслийн хүрээнд Энхтайваны өргөн чөлөөгөөр 17.7 км метроны шугам байгуулах ажлыг эхлүүлсэн байна.