Галд байшин нь шатаж зургаан ам бүлтэй, дөрвөн хүүхэдтэй гэр бүлийнхэн өмссөн хувцастайгаа үлдсэн. Монголын ард түмэн энэхүү гэр бүлд туслахаар хандивын аян өрнүүлж 90 сая төгрөг тусламж үзүүлсэн юм. Гэтэл нэгэн иргэнээс татварын албаны нэрийг барьж гэнэтийн орлогын албан татварт 2 сая 800 мянган төгрөгийг шилжүүлэх хэрэгтэй гэсэн мессэж утсанд нь ирсэн байна. Мэдээллийг тодруулахаар залгахад хувь хүний дансны дугаар байсан нь илэрчээ. Татварын болон цагдаагийн байгууллагаас гэнэтийн орлогын албан татвар гэж байхгүй. Тиймээс иргэдийг эх сурвалж тодорхойгүй дансанд мөнгө шилжүүлж залилуулахгүй байхыг сануулжээ.