Монголын үндэсний бөхийн холбооноос зарим бөхчүүдэд цол нөхөн олгох тухай асуудлыг шийдвэрлэжээ. Өнгөрсөн онд Говь-Алтай аймгийн баяр наадмын цол олгох барилдаанд түрүүлсэн Ховд аймгийн Чандмань сумын харьяат аймгийн арслан У.Батцоожид хурц чимэг, 2024 онд Дорноговь аймгийн баяр наадамд түрүүлсэн аймгийн начин С.Занданхүүд аймгийн арслан, Орхон аймгийн баяр наадамд түрүүлсэн аймгийн нэмэх начин О.Баярбаасанд аймгийн арслан цол тус тус олгуулахаар шийдвэрлэж, тухайн аймгуудын удирдлага, бөхийн холбоонд албан бичиг хүргүүлжээ.