Өмнөд Солонгосын парламент 300 гишүүнтэй. Үүний 130 нь сөрөг хүчнээс сонгогдсон. Сөрөг хүчний гишүүд төсвийг танахыг шаарджээ.  Энэ маргааны улмаас Ерөнхийлөгч Юн Сук Ёол төрийн эрх мэдлийг хүчээр авах гэсэн үндэслэлээр мягмар гарагт онц байдал зарласан ч УИХ-ын гишүүд хуралдан түүний шийдвэрийг цуцалсан. Өмнөд Солонгосын түүхэнд 1961 онд төрийн эргэлт гарч 1979 онд хуйвалдаан гарч байсан. Сонгогдсон ерөнхийлөгч нар нь гэмт хэрэгт холбогдох, шоронд орох, амиа хорлох зэргээр албан тушаалаа өгсөөр ирсэн түүхтэй. Сөрөг хүчний гишүүд түүнийг албан тушаалаасаа огцрох ёстой гэсэн хүсэлтийг Үндэсний Ассемблейд хүргүүлсэн байна. Харин жагсагчид Солонгосын түүхэн дэх хамгийн нэр хүндгүй ерөнхийлөгч болж байна гэдгийг хэлсэн. Мөн Солонгосын иргэдийн эрх чөлөөний эсрэг үйлдэл гаргасан удирдлагуудынхаа эсрэг шөнө дунд ч үзэл бодлоо илэрхийлж чадсан нь давуу талтай гэдгийг дэлхийн хэвлэлүүд онцолжээ. Энэхүү эсэргүүцлийг Солонгосын түүхэн дэх хамгийн том иргэд оролцсон жагсаал  гэж тодотгосон байна.