Монголын багш нарын VIII их хурал болж багш нар гүйцэтгэлийн үнэлгээнд сэтгэл дундуур байгаагаа хэлжээ. Багш нарч боловсролын салбарыг хөгжүүлье гэвэл баахан туршилт хийж жил бүр сургалтын системийг шинэчилнэ гэж будлиулдгаа болих хэрэгтэйг учирладаг. Монголын боловсролын салбар аль хэдийнэ гадаад орнуудаас хоцрогдсон судалгаа гарсан. Боловсролын сайд нь ч багш нарын цалин бага байгаагаас хувийн сургуулиуд сайн багш, оюутнуудыг шилж, өндөр цалин амлаад аваад байгаагаа болиоч гээд гуйгаад сууж байна. Ганц боловсролын салбар гэлтгүй Монголд хөдөлмөрийн үнэлэмж бага, дээрээс нь байгууллагын соёл гэж байхгүй шахам болсон, удирдлагуудынх нь  нь харилцаа хандлага тааруугаас сайн ажилчдаа авч үлдэж чаддаггүй, өөрсдөө ур чадвар дутмаг хэрнээ ажилчдаасаа өө эрдэг гээд тоочвол боловсон хүчний дутагдалд орлоо гэсэн зовлонгоо буцаад өөрсдөөсөө асуухаар болсон. Боловсон хүчний дутагдалд орохгүй байя гэвэл ажилчдаа хаан адил энхрийлэхгүй ч харилцаа хандлагаа засаад, ур чадвараа ахиулаад  үзээрэй. Дээрдэхгүй юм гэхэд дордохгүй л байх.