Монгол улсад  сайхан төлөвлөгөө, хэрэгждэггүй шийдвэрээс их юм алга. Хурдан хэрэгжүүлээсээ гэсэн сайхан шийдвэрүүд сонсогддог ч амьдралд хэрэгжих нь алга дарж тоолохоор цөөхөн байна.Усан парк байгуулна, гэр хорооллыг барилгажуулна, гэрийн тань хашаан дотор дулааны шугам татна, орон сууцны хорооллын тоог нэмж агаарын бохирдлыг багасгана, түгжрэлийг шийднэ гээд алийг нь хэлж барахав. Хэрэгжүүлэх гэж мөнгө төсөв урсгадаг ч амьдрал дээр хэрэгжилт нь арай л удаан байсаар сонгуультай золголоо. Сонгуулийн үеэр бол сайхан шийдвэр, шийдлүүдээр хур бууна. Сонгууль өнгөрөө л бол манай, танай нам ялсан гээд мартагдана.  Зүүдэнд харагдтал ярих сайхан боломжуудаа болж өгвөл намууд сонгуультай золгохоосоо өмнө хэрэгжүүлдэг бол сайн л байна.