АНУ-ын 60 тэрбум долларын тусламжийн багцыг хаасантай холбоотойгоор Украины цэргүүд зэвсгийн хомсдолд орсон. Дөрвөн сая сум, хоёр сая нисгэгчгүй онгоц хэрэгтэй гэж тооцоолсноо Украины талаас танилцуулсан. Украины Гадаад хэргийн сайд Дмитрий Кулеба холбоотнуудад АНУ-д үйлдвэрлэсэн "Патриот" агаарын довтолгооноос хамгаалах системийг нэмж илгээхийг уриаллаа. Ингэснээр  аж үйлдвэрийн гол хотуудыг Оросын пуужингаас хамгаалж чадна гэжээ. НАТО-гоос Украинд таван жилийн хугацаатай цэргийн тусламж үзүүлэх 100 тэрбум ам.долларын асуудлыг хэлэлцэж байна. Украины Ерөнхийлөгч Владимир Зеленский Орос улс 6-р сар гэхэд 300,000 цэргээ нэмж дайчлахаар бэлтгэж байгааг анхааруулсан. АНУ, Нидерланд, Герман улс тус бүр нь ойролцоогоор 1 тэрбум долларын өртөгтэй хэд хэдэн системд авахад хувь нэмрээ оруулаад байна. F-16 сөнөөгч онгоцууд үр дүн багатай байгааг хэлжээ.