Орц:

– Үхрийн хэл 350 гр

– Тахиан цээж мах 350 гр

– Зайдас 300 гр

– Гахайн утсан мах 300 гр

– Үхрийн цул мах 300 гр

– Давс 1-2 цайны халбага

– Хар перц 1-2 цайны халбага

– Орегано 1 цайны халбага

– Халуун чинжүү 1/2 цайны халбага

Хийх арга:

1. Тахианы цээж махыг хавтгай хэрчиж саванд хийнэ. Дээр нь цөцгий, давс, хар перц, улаан чинжүү, гоньд, давс болон бусад төрлийн сүмс, амтлагчнаас хийнэ. Дараа нь сайтар холиод таглан хөргөгчинд 3-4 цаг болгоно.

2. Саванд шарах хэмжээтэй ургамлын тос хийж маш сайн халаасны дараа тахианы махаа хийж шарна. Шарах шүүгээг 160С хэмд халааж тослосны дараа тахианы махыг хийж 20-23 минут болгоно.

3. Үхрийн хэлийг сайтар угааж цэвэрлэсний дараа усанд хийж лаврын навч, давс, хар перц, халуун чинжүүгээр амтлаад 2 цаг орчим зөөлөн гал дээр буцалгана. Дараа уснаас гаргаж хөргөөд нимгэн хавтгай хэрчиж бэлтгэнэ.

4. Өөхгүй үхрийн зөөлөн цул махыг нимгэн хавтгай хэрчээд ургамлын тосонд хоёр талаар нь давс, хар перц, гоньдоор амталж хуураад гаргаж үхрийн шөлөнд хийн зөөлөртөл нь чанана. Үүний дараа жигнүүрт 25-30 минут жигнэнэ.

5. Зайдасыг хайруулын тавганд хийж ургамлын тос хийж шарна. Амт нэмэхийн тулд давс, перц, чинжүү, ореганоор амталж болно. Дараа нь хайруулын тавагнаас гаргаж тосыг нь сайтар шүүж хөргөөд нимбэгний шүүс цацна. 6.Гахайн махыг 3-4 см хэрчээд бор болтол нь шарна.Тосыг сайтар шүүж гаргаад сонгино, сармис,өргөст хэмх, помидор, шарсан төмсөөр чимэглэн сүмстэй иднэ. Халуун ам бүлээрээ сайхан хооллоорой.