Наадамчдын замаас Нүхтийн ам чиглэлд дөрвөн эгнээ бүхий хоёр урсгалтай 1.5 км авто зам барина. Замын ажлын санхүүжилтийг бондын санхүүжилтээс гаргасан. Авто замын суурь хучилтыг аравдугаар сарын 10-нд, өнгөн хучилтыг аравдугаар сарын 20-нд хийж дуусгана. Тухайн үед замыг хаах бөгөөд борооны ус зайлуулах шугам хоолой суурилуулан, нэг метр өргөнтэй явган хүний замыг тавьж, арваннэгдүгээр сарын 20-нд хүлээлгэн өгнө.