Монгол Улсын Их Хурлын тухай хуульд зааснаар УИХ-ын анхдугаар чуулганыг ээлжит сонгуулийн санал хураалт явуулсан өдрөөс хойш 30 хоногийн дотор зарлаж хуралдуулна гэж заасан байдаг. УИХ-ын анхдугаар чуулган нээх өдрийг Улсын Их Хуралд суудал авсан нам, эвсэлтэй зөвшилцөнө гэж заасны дагуу Монгол Улсын Ерөнхийлөгч УИХ-ын сонгуульд суудал авсан нам, эвслийн удирдлагыг хүлээн авч уулзаж өнөөдөр хуралдуулахаар товлолоо.