Сонгинохайрхан дүүрэгт нуурын эрэгт гэр бүлээрээ амарч байсан айлын бага насны хүүхэд хийлдэг гудсаар усанд хөвж байгаад гудаснаасаа унаж, живж нас барсан. Онцгой байдлын байгууллагаас голын дагуу амарч зугаалж байгаа иргэдийг усанд осолдохоос урьдчилан сэргийлэх, завьт эргүүлд мэдээлэл өгөх, мэргэжлийн байгууллагаас өгч байгаа заавар, зөвлөмжийг дагахыг уриалав. Улсын хэмжээнд усны ослын 46 тохиолдол бүртгэгдэж, 30 хүн амь насаа алджээ.