УИХ-ын 2024 оны сонгуульд нийслэлд нэг сая 93 мянган сонгогч 513 санал авах байранд саналаа өгнө. Сонгогчдын нэрийн жагсаалтыг энэ сарын 23-нд эцэслэж, хэсгийн хороодод хүргүүлэхээр төлөвлөсөн. Энэ удаагийн сонгуулиар 800 гаруй бүртгэлийн итгэмжлэгдсэн ажилтан ажиллана. Сонгуулийн хэсгийн хороодын цахилгаан хангамжийн найдвартай байдлыг хангах зорилгоор “Улаанбаатар цахилгаан түгээх сүлжээ ТӨХК”-ийн шуурхай үйлчилгээ, засварын 46 бригад зөөврийн цахилгаан үүсгүүртэйгээр ажиллах юм.